Fréttabréfið ÝLIR heilsar enn á ný, stútfullt af áhugaverðu lesefni fyrir landverði. Meðal efnis: Landvarðaþing 2005 – ferð á Snæfellsnes 9. apríl, sjá dagskrá [og skráningarform]. Veturinn í þjóðgörðunum, greinar eftir tvo heilsársstarfsmenn. Ferð á landvarðaþing í Noregi, ítarleg ferðasaga Rebekku og Hönnu Kötu. Aðalfundur 2005, fundargerð með öllu því markverðasta sem gerðist á ánægjulega fjölmennum aðalfundi.
Kl. 09:00 Brottför með rútu frá Shell-stöðinni við Vesturlandsveg.
• Samsöngur og gamanmál á leiðinni
Kl. 11:30 Áætlaður komutími að Búðum á Snæfellsnesi.
• Þar tekur á móti okkur Ragnhildur Sigurðardóttir – og mun hún leiða okkur um undraheima hraunsins í stuttum
göngutúr.
• Síðan verður ekið að Arnarstapa og þaðan gengið yfir að Hellnum (u.þ.b. 30 mín.). Þar verður nestisstopp.
Seinni hálfleikur
• Heimsókn í gestastofu þjóðgarðsins á Snæfellsnesi – þar verður tekið á móti okkur og við fáum að leika þar
lausum hala í klukkustund.
• Síðan verður ekið um þjóðgarðinn með viðkomu á nokkrum velvöldum stöðum.
• Nú verður haldið heim á leið og ekið annaðhvort yfir Fróðárheiði eða um Búlandshöfða gegnum Grundarfjörð
og um Vatnaheiðina.
• Áætluð heimkoma um kl. 21:30.