Landvarðalíf

Landvarðalíf eru stutt kynningarmyndbönd um landvörslu á Íslandi. Framleidd af Landvarðafélagi Íslands og styrkt af Umhverfis- og auðlindaráðuneytinu.

Ein af fyrstu íslensku heimildunum þar sem orðið „landvörður“ kemur fyrir er í tímaritinu Fróða frá árinu 1882, þar sem sagt er að landvörður eigi að koma í stað hinna fornu landvætta.

Landverðir sinna gífurlega mikilvægu verkefni sem útverðir Íslenskrar náttúru þeir tína rusl, viðhalda göngustígum, bjóða gestum í fræðslugöngu, fylgjast með náttúru, aðstoða gesti í neyð og sinna miklum forvörnum á friðlýstum svæðum til að tryggja verndun náttúru og öryggi gesta svo fátt eitt sé nefnt.

Myndböndin spanna verkefni landvarða þvert á stofnanir og birtast hérna á næstu vikum:



Askja & fræðslan

Landvarðalíf við Öskju er fjórða myndbandið og þar hittum við landverðina Margréti sem einnig er jarðfræðingur og Lindu sem er líffræðingur og starfar einnig við leiðsögn á suðurskautinu. Askja er einn vinsælasti ferðamannastaður landsins á hálendinu en svæðið er stórt og aðstæður krefjandi. Landverðir þurfa því að hafa yfirsýn yfir stórt svæði og mikil áhersla er á að fræða ferðafólk um öryggi og einkenni svæðisins.

Gullfoss, Geysir & jafnvægið

Landvarðalíf við Gullfoss og Geysi er þriðja myndbandið og þar hittum við Ágústu Gunnarsdóttur landvörð, listakonu og nema í Umhverfis- og auðlindafræði. Svæðið er þekkt fyrir mikinn fjölda ferðamanna og því er jafnvægi í náttúruvernd stór hluti af starfinu og ekki má gleyma að kjarna sig eftir að hitta um 3.000 manns á dag.

Þingvellir & landvættirnir

Landvarðalíf á Þingvöllum er annað myndbandið og þar hittum við Pawel Lopatka landvörð og landfræðing. Þingvellir eru samofnir þjóðarsálinni og þar koma árlega mikill fjöldi ferðamanna sem hefur áhrif á störf landvarða. Á sama tíma er svæðið stórt og fjölbreytt og möguleikar víða til að njóta náttúrunnar án fjöldans.

Lakagígar & mosinn

Benedikt Traustason er landvörður og líffræðingur sem starfar í Lakagígum. Svæðið er mosavaxið og því sérstaklega viðkvæmt og tekur landvarslan mið af því.

Nánar um myndböndin:

Sérstakar þakkir:

Ágústa Gunnarsdóttir, Benedikt Traustason, Hákon Ásgeirsson, Linda Ársælsdóttir, Margrét Gísladóttir og Paweł Łopatka.

Kvikmyndataka og klipping: Gasa E Kenny og Stefanía Eir Vignisdóttir

Leikstjórn: Stefanía Ragnarsdóttir

Comments are closed.