Fræðslufundur um umhverfismál

Fimmtudaginn 27. febrúar stendur Landvarðafélag Íslands fyrir fundi um umhverfismál á alþjóðlegum vettvangi. Rætt verður um lagalegar og siðferðilegar skuldbindingar Íslendinga í þessum efnum. Framsögumenn og erindi: 
Auður H. Ingólfsdóttir
, alþjóðstjórnmálafræðingur ræðir um hvaða hlutverk lítið land eins og Ísland spilar í hinni alþjóðlegu umræðu um umhverfismál og hvaða hlutverki hinir ólíku aðilar gegna, s.s. stjórnsýslan, frjáls félagasamtök, fyrirtæki, einstaklingurinn o.frv. Atli Gíslason lögfræðingur ræðir um málaferlin vegna úrskurðar um Kárahnjúkavirkjun með tilliti til alþjóðasamninga. Árni Finnsson, formaður Náttúruverndarsamtaka Íslands, tekur fyrir frjáls félagasamtök og það vægi sem þau hafa á alþjóðavettvangi. Að lokinni framsögu verða pallborðsumræður og spjall, þar sem fundargestum gefst kostur á að koma fyrirspurnum og skoðunum sínum á framfæri. Fundurinn verður haldinn í skólabyggingu H.Í., VR IIstofu 157, kl. 20:00. Láttu þessi mál ekki afskiptalaus – láttu sjá þig! 
Allir velkomnir – Fræðslu- og skemmtinefnd. 
Upphafleg tilkynning á PDF-formi.