Umhverfisstofnun hefur nú auglýst námskeið í náttúruvernd og landvörslu, sem haldið verður dagana 6. – 30. október nk. Markmið námskeiðsins er samkvæmt auglýsingunni „þjálfun til starfa við þjónustu við gesti og umhverfistúlkun á friðlýstum svæðum.“ Eins og áður verður námskeiðið haldið í Reykjavík og farið þaðan í fjórar vettvangs- og fræðsluferðir, auk nokkurra daga dvalar í Skaftafelli. Nýlunda er að einnig er áformað að halda landshlutabundin námskeið. Fólk utan Reykjavíkur er því sérstaklega hvatt til að sækja um. Umsóknarfrestur er til 1. október nk. og námskeiðsgjald kr. 65.000. Nánari upplýsingar á www.ust.is.