Stjórnarfundur LÍ 21. október 2006

Fundur stjórnar LÍ 21. október 2006 kl. 11:30
Mættar:  Auróra, Ásta Rut, Ásta, Þórunn

1.  Netið
LÍ fékk bréf þess efnis að léngjald hafi ekki verið greitt.  Hvorki núverandi né fyrrverandi gjaldkeri kannast við að hafa fengið þennan reikning.  Engu að síður þarf að laga þetta strax, og mun Auróra ganga í málin strax eftir helgi.

2.  Danir
18-22.júní 2007 mun okkur íslenskum landvörðum bjóðast að fara í heimsókn til danskra starfsbræðra okkar, en þeir munu halda námskeið fyrir okkur í náttúruskóla þeirra.  Gert er ráð fyrir að þetta muni kosta u.þ.b. 30.000 kr. á mann fyrir uppihald og gistingu.  Þeir vilja helst lágmark 10 manns á námskeiðið.

3.  Skotlandsfarar
Ákveðið var að stefna að því að halda fund þann 9.nóvember fyrir alla félagsmenn og kynna Skotlandsferðina 2006.  Gert ráð fyrir að hann taki um tvær klukkustundir, kl. ~20-22.

4. Ýlir
Okkar fyrrverandi formaður, hún Elísabet Kristjánsdóttir hafði ákveðið að taka að sér ritstjórn Ýlis.  Þar sem nettengingin á heimili hennar á Möðrudal á Fjöllum er ekki upp á marga fiska, þá verður því miður að finna annan ritstjóra.  Stefnt er að því að taka þetta upp á Skotlandsfarafundinum.

5.  Afleysingalandverðir
UST hefur óskað eftir viðræðum um samstarf við LÍ um afleysingalandverði.  Ákveðið var að spyrja UST betur um þetta.  Annars er ljóst að við getum ekki tekið að okkur að vera milliliðir, þá þyrfti LÍ að fara að baksast í lífeyrissjóðsmálum o.fl. sem stjórn LÍ finnst að ekki eigi að vera á könnu félagsins.

Fundi slitið um kl. 13:30
Ritari:  Ásta Rut